Backup 3-2-1: si t'i ruani të dhënat e biznesit kur diçka shkon keq

Një disk që prishet, një sulm ransomware ose një skedar i fshirë gabimisht — shumica e bizneseve e kuptojnë vlerën e backup-it vetëm pasi humbasin diçka. Rregulla 3-2-1 është mënyra më e thjeshtë për të mos arritur aty.

Çfarë do të thotë 3-2-1

• 3 kopje të të dhënave: origjinali dhe dy backup-e.
• 2 lloje ruajtjeje të ndryshme, p.sh. një NAS në zyrë dhe cloud.
• 1 kopje jashtë zyrës, që zjarri, vjedhja apo përmbytja të mos i marrin të gjitha.

Pse një disk i jashtëm nuk mjafton

Nëse disku rri i lidhur gjithë kohës, ransomware e enkripton bashkë me serverin. Nëse ruhet në të njëjtën zyrë, çdo dëm fizik i prek të dyja. Backup-i duhet të jetë i ndarë — në vend dhe në akses.

Testoni rikthimin, jo vetëm backup-in

Një backup që s'është provuar nuk është backup. Një herë në muaj rikthejmë një skedar ose një server testues dhe masim sa kohë duhet — që në ditën e keqe të mos ketë surpriza.

Nga ku të nisni

Listoni çfarë ka vlerë (baza e të dhënave të POS-it, email-et, dokumentet), vendosni sa të dhëna mund të humbni pa dëm dhe sa shpejt duhet të ktheheni në punë. Teknologjia zgjidhet pas këtyre dy përgjigjeve, jo para tyre.